АЗБУКА НА СКОПЈЕ – АЕРОДРОМ СТЕНКОВЕЦ

Спортскиот Аеродром, Стенковец – Скопје се наоѓа северозападно од градот Скопје, 9 Км од центарот на градот, 200 метри источно од магистралниот пат Скопје – Приштина. Оператор на аеродромот е ДВТ АЕРОКЛУБ СКОПЈЕ ДОО Чучер Сандево. Спортскиот аеродром Стенковец – Скопје е граден од 1976 -1986 година. Технички прием е извршен и издадено е одобрение за користење бр. 5977/1 од 09. 10. 1986 година од тогашниот Сојузен комитет за сообраќај и врски на СФРЈ. Ова е единствениот спортски аеродром во околината на Скопје. Одобрен е за слетување и полетување на воздухоплови со максимална дозволена тежина на полетување од 5,700 килограми. Аеро клуб „Скопје“ е корисник на аеродромот. Стенковец е база на Аеро клуб Скопје, Pipistrel Flying Club – PFC, Wing Air Team и Метаморфоза. Главни активности на аеродромот се: моторно летање, летање со ултралесни авиони, едрилици, падобранство, парамоторно летање и моделарство. На ареродром во 2019 година била осветена црква „Св. Ава Сисој Велики“.