Реал Мадрид на „Сантијаго Бернабеу“ ќе ја пречека Борусија Дортмунд во меч од третото коло во Лигата на шампионите. Овој дуел ќе биде реприза од финалето во елитното натпреварување на УЕФА кое се играше само пред неколку месеци, кога Кралскиот клуб славеше со два нула.
Борусија Дортмунд одлично започна во Лигата на шампионите и е прв на табелата од триесет и шест екипи со максимални шест бода. Реал веќе има еден кикс, и тоа на гости кај Лил, кога загуби со еден нула.