Македонскиот репрезентативец Бојан Миовски постигна два гола во убедливата победа од четири нула на гостински терен кај Ехтрамадура во меч од Купот на Шпанија. Миовски беше стартер, а Жирона поведе со голот на Жил во дванаесетта минута.
Во второто полувреме се „разбуди“ Миовски. Македонецот прво погоди за два нула во педесет и осмата минута, а четири минути подоцна повторно се израдува на погодок за три нула. До крајот на дуелот, Мартинез погоди за гостите кои на крајот славеа со убедливи четири нула.