ДОМИНИК ТИМ ЈА ЗАВРШИ КАРИЕРАТА – ЌЕ ОСТАНЕ ЗАПАМЕТЕН ПО ЛУДИОТ ПРЕСВРТ ВО ФИНАЛЕТО НА САД ОПЕН

Австрискиот тенисер, Доминик Тим, со пораз во првото коло на турнирот во Виена и официјално ја заврши својата кариера. Тој во пензија заминува со само триесет и една година, откако неколку години се мачи со повредите и никако не успеваше да се врати во светскиот врв. Ќе остане запаметен со победата во финалето на Соединетите Американски Држави опен во две илјади и дваесетата година, кога го совлада Александер Зверев со три два, откако губеше со нула два. Воедно тоа е и неговиот единствен грен-слем кој го освои во кариерата. Во финале играше уште трипати, но двапати загуби од Рафаел Надал на Ролан Гарос и еднаш од Новак Ѓоковиќ на Австралија опен. Во својата кариера освои седумнаесет АТЕПЕ турнири, а најдобриот пласман на ранг-листата го имаше во две илјади и дваесетата година кога беше третопласиран.