ЧУДЕН ПОТЕГ НА АРГЕНТИНЕЦОТ – РЕШИ ДА ГО ПРЕДАДЕ МЕЧОТ И ТОА НА ТРИ МЕЧ ТОПКИ

Аргентинскиот тенисер Камило Уго Карабелји се најде на удар на спортската јавност откако се реши на еден необичен потег. На дуелот против Американецот Тристан Бојер, Карабелји беше во загубена позиција, бидејќи губеше со шест три и пет четири, кога во десетиот гејм од вториот сет се случи чуден момент. Бојер водеше со четириесет нула и имаше три меч топки на свој сервис, но тогаш Аргентинецот му пријде на противникот и му подаде рака, предавајќи го дуелот. Некои љубители на тенисот сметаат дека треба да има истрага за ваквиот потег на Карабелји, во полуфиналето на турнирот во Кампинас.