ИЛИНДЕН МОДЕРНИЗИРА ВОДОВОД ВО КАДИНО – ГЕОРГИЕВСКИ: ПРИОРИТЕТ Е КВАЛИТЕТНАТА ВОДА ЗА ПИЕЊЕ

Општина Илинден, во соработка со ЈКП „Водовод”, продолжува со одржување и модернизација на водоводната и канализационата мрежа. Во моментот се реализира обнова на главниот водоснабдителен систем во н.м. Кадино, во должина од 700 метри, со замена на старите ПВЦ цевки со нови полиетиленски. Градоначалникот Александар Георгиевски истакна дека целта е да се обезбеди поквалитетна и поосигурана вода за пиење. Во наредниот период, ќе продолжат со втората фаза на обнова на системот, фокусирајќи се на зголемување на капацитетот на водоснабдувањето.