Кракорница се наоѓа во горното сливно подрачје на реката Радика, меѓу планините Кораб и Шар Планина. Селото е планинско, на надморска височина од 1.530 м, и се смета за највисоко населено место во Македонија. Оддалечено е 31 км од Гостивар. Атарот на селото зафаќа површина од 8,2 км2.[2]
Селото е поврзано со макадамски пат од Богдево, кој понатаму продолжува до селото Бродец.
Во XIX век, Кракорница било село во Реканската каза на Отоманското Царство.
Во периодот по Балканските војни, селото потпаѓа под српска власт.
Според последниот попис од 2021 година, во селото живеел 1 жител, Македонец.
Доколку прошетате, во селото и неговата околина може да ги видите:
Археолошки наоѓалишта
- Црквиште — средновековна некропола.
Цркви
- Црква „Св. Архангел Михаил“ — главна селска црква.
Манастири
Реки
- Кракорничка Река — десна притока на Богдевска Река.