ЦЕНТАР, КАРПОШ, ГАЗИ БАБА И ЃОРЧЕ ПЕТРОВ – ВИКЕНДОВ ОТСТРАНЕТИ ДИВИ ДЕПОНИИ

Во текот на изминатиот викенд биле отстранети неколку диви депонии во повеќе скопски општини.
Имено, екипите на ЈП Комунална хигиена-Скопје подигнале и транспортирале 115 кубни метри отпад од повеќе диви депонии лоцирани во скопските општини Центар, Карпош, Гази Баба и Ѓорче Петров, извести ЈП Комунална хигиена-Скопје.
Активностите се одвивале на улицата Перо Наков во општината Гази Баба, каде што се отстранети 70 кубни метри непрописно одложен кабаст и мешан комунален отпад, како и на улиците Никола Парапунов во општината Карпош и Христо Батанџиев во општината Ѓорче Петров, каде што се подигнати вкупно 25 кубни метри отпад од диви депонии.
Подигнати се и 20 кубни метри градежен како и мешан комунален отпад од дива депонија лоцирана на Кејот „13 Ноември“, во непосредна близина на Народната банка, информираше ЈП Комунална хигиена-Скопје