БАРСА ЈА ДЕКЛАСИРА СЕВИЉА – ЗЕДЕ ЗАЛЕТ КОН МАДРИД

Барселона убедливо ја совлада Севиља со пет еден и повторно има три бода предност на врвот на табелата во однос на најголемиот ривал Реал Мадрид. Ова особено е значајно пред следниот викенд, кога каталонскиот гигант гостува на„Сантијаго Бернабеу“ во толку очекуваното Ел Класико. Роберт Левандовски од пенал ја отвори серијата голови во дваесет и четвртата минута, а само четири минути подоцна Педри зголеми на два нула. Третиот гол исто така беше дело на Левандовски во триесет и деветата минута.