Владината мерка за ограничување на маржата на 73 основни прехранбени производи, воведена на 20 септември, истекува денес. Со ова, од утре престанува важноста на ограничената бруто-профитна маржа од 10 проценти во трговијата на големо и мало за производите од т.н. есенска кошничка, што вклучува леб, тестенини, млечни производи, месо, овошје и зеленчук. Министерот за економија Бесар Дурмиши предупреди дека ако дојде до драстично поскапување, ќе бидат преземени поригорозни мерки. Истовремено, во сила е Законот за нефер трговски практики, кој ограничува маржата на над 2 500 производи, со цел да се заштити стандардот на граѓаните.