РУСИЈА СО РЕКОРДНА КАЗНА ЗА ГУГЛ – ГУГЛ КАЗНЕТ СО НЕВИДЕНА СУМА ОД 20 ДЕЦИЛИОНИ ДОЛАРИ

Русија му изрече рекордна казна на технолошкиот гигант Google, која изнесува 20 децилиони долари, поради отстранување на руски ТВ канали од платформата YouTube. Оваа казна, како што пренесуваат руските медиуми, е резултат на четиригодишен судски спор што се водеше поради блокирањето на рускиот канал Царград, во контекст на санкциите што САД ги наметнаа на неговата матична компанија. Експерти велат дека казната е невозвратлива и финансиски недостижна за Google, чии глобални приходи и пазарна капитализација значително заостануваат зад овие астрономски износи. Вредноста на глобалниот БДП, според ММФ, се проценува на околу 110 илјади милијарди долари, далеку под сумата што Русија ја бара од Google.