ПЕТ УБИЕНИ ВО ПУКАЊЕ КАЈ СИЕТЛ – ПРИВЕДЕНО 15-ГОДИШНО МОМЧЕ

Во куќа во близина на Сиетл, пет лица, од кои двајца возрасни и три деца, беа убиени, а за нападот е осомничено 15-годишно момче, соопштија властите на државата Вашингтон. Едно девојче е повредено во пукањето и ѝ е укажана прва помош од сосед со медицинска обука. Осомничениот е приведен без отпор и е сместен во малолетнички центар. Полицијата сè уште го истражува мотивот за убиствата и дали жртвите се од исто семејство. Настанот се случил во Фол Сити, на 10 милји источно од Сиетл, каде што полицијата реагирала на повици за пукање.