Најмалку 51 лице загинаа во поројните поплави што ја погодија југоисточна Шпанија, изјави портпаролот на регионалната влада на Валенсија за Ројтерс. Поројните дождови, предизвикани од студениот фронт што се движи низ јужниот и источниот дел на земјата, вчера ги поплавија патиштата и градовите, поради што властите во најтешко погодените области ги советуваат граѓаните да останат дома и да ги избегнуваат сите несуштински патувања. Големите поплави особено го зафатија регионот на Валенсија, каде поројните дождови предизвикаа хаос на патиштата. Службите за итни случаи работат на спасување луѓе од поплавените подрачја и потрага по исчезнатите. Меѓу загинатите во Валенсија има и деца.