Деновите на медиумска писменост 2024 во Северна Македонија, одржувани под мотото „Твојата свест е најважниот филтер”, продолжуваат со богата програма настани низ целата држава. Во рамки на вториот ден, денеска од 13:00 до 15:30 часот, во Собранието на Република Северна Македонија ќе се одржи панел дискусија „Медиумската писменост и младите”, во организација на Младинскиот образовен форум (МОФ) и ИРЕКС. Истовремено, во СОУ Гимназија „Гоце Делчев” во Куманово, Институтот за комуникациски студии (ИКС) ќе организира работилница „Медиумска лабораторија: Препознавање дезинформации и креирање медиумски содржини”. Во Europe House во Скопје, од 14 до 15 часот, ќе се одржи панел дискусија „Увезени дезинформации (фокус на Олимписките игри 2024)”, организирана од Делегацијата на Европската Унија. Деновите на медиумска писменост 2024, кои се одвиваат од 28 октомври до 4 ноември, се дел од глобалното одбележување на Глобалната недела на медиумска и информациска писменост на УНЕСКО.
© Copyright 2023-2025 Сите права задржани