МИСАЈЛОВСКИ НА САЕМ ЗА ОДБРАНА ВО ТУРЦИЈА – СРЕДБА СО ТУРСКИОТ МИНИСТЕР ЗА ОДБРАНА

Министерот за одбрана Владо Мисајловски и генерал-мајор Сашко Лафчиски, началник на Генералштабот на Армијата, ја предводат македонската делегација на 4. меѓународен саем за одбрана – SAHA EXPO 2024, кој се одржува во Истанбул, Турција. За време на посетата, министерот Мисајловски ќе се сретне со својот турски колега, Јашар Гулер, за да разговараат за соработката во одбраната. Во рамките на саемот, македонската делегација ќе оствари средби со претставници на турски компании од наменското производство и ќе се запознае со најновите техничко-технолошки достигнувања во областа на одбраната. Оваа посета е важна за зајакнување на воената соработка и развој на партнерства меѓу двете земји.