МЕКДОНАЛДС ПОВЛЕЧЕ БУРГЕР И КРОМИД ПОРАДИ ЕШЕРИХИЈА КОЛИ – 49 СЛУЧАИ НА ТРУЕЊЕ ВО САД, ЕДНО ЛИЦЕ ПОЧИНА

Компанијата „Мекдоналдс” привремено повлече од менито еден вид бургер и свеж исечкан кромид во околу 20% од рестораните во САД поради епидемија на ешерихија коли, која досега резултираше со 49 случаи на труење во десет сојузни држави. Според Центарот за контрола и превенција на болести (ЦДЦ), едно лице починало, а десет други завршиле во болница, при што најголем број случаи на инфекција се забележани во Колорадо и Небраска. Здравствените власти продолжуваат со истрагата за изворот на инфекцијата, а други големи компании за храна исто така повлекуваат кромид од продажба. Првиот забележан случај на труење бил документиран на 27 септември, но загриженоста на властите за ситуацијата се појавила дури минатата недела. До средината на неделата, десетина потрошувачи пријавиле дека јаделе бургер „квортер паундер” пред да се разболат. Истражителите сметаат дека кромидот, кој се користи во овие бургери, е веројатниот извор на инфекцијата. Во меѓувреме, еден маж поднесе кривична пријава против „Мекдоналдс” поврзана со овие инциденти.