ЈАПОНИЈА ЗАГРИЖЕНА ЗА ИСПРАЌАЊЕТО НА СЕВЕРНОКОРЕЈСКИ ВОЈНИЦИ ВО РУСИЈА – ПУТИН НЕ ГИ НЕГИРА ИСПРАЌАЊАТА НА СЕВЕРНОКОРЕЈСКИ ТРУПИ

Јапонија изрази сериозна загриженост поради извештаите за испраќање севернокорејски војници во Русија, кои би можеле да учествуваат во војната во Украина. Главниот секретар на кабинетот, Јошимаса Хајаши, истакна дека неодамнешното продлабочување на воената соработка помеѓу Северна Кореја и Русија предизвикува загриженост, особено поради потенцијалното влијание на безбедноста на регионот околу Јапонија. Хајаши нагласи дека владата внимателно го следи испраќањето на трупите и дека е длабоко загрижена за ситуацијата. Според информации од Украина, севернокорејски војници влегле во западниот руски регион Курск, блиску до украинската граница, по завршувањето на обуката. Рускиот претседател Владимир Путин не ги негираше овие наводи, кои беа поткрепени со сателитски снимки и разузнавачки податоци од САД и Јужна Кореја. Јапонија планира да соработува со други земји за да помогне во постигнување на мир во Украина на фер и траен начин.