310 МИЛИОНИ ЕВРА КАЗНА ЗА ЛИНКЕДИН – ОБРАБОТУВАЛ НЕЗАКОНСКИ ПОДАТОЦИ НА КОРИСНИЦИ ОД ЕУ

Ирскиот регулатор за заштита на податоци денеска ја казни бизнис платформата Linkedin со 310 милиони евра поради незаконска обработка на лични податоци на корисници во Европската унија кои ги користела за насочено рекламирање. Регулаторот, исто така, бара од Linkedin, компанија во сопственост на Microsoft, да ја усогласи обработката на податоците со Општата регулатива за заштита на податоците на Европската унија. Компанијата Linkedin соопшти дека спорниот случај се однесува на 2018 година и додаде дека ќе се усогласи со европските правила во предвидениот рок, пренесува Bloomberg. Linkedin, како и многу други големи технолошки компании, има свое европско седиште во Ирска, што значи дека локалните регулатори имаат задача да ги спроведуваат правилата на ЕУ.