НАТО сојузниците денеска се согласија да го продолжат мандатот на генералниот секретар Јенс Столтенберг за уште една година, до 1 октомври 2024 година.
Одлуката ќе биде одобрена од шефовите на држави и влади на НАТО на самитот во Вилнус.
Сојузниците му се заблагодарија на генералниот секретар за неговото лидерство и посветеност, што беше од клучно значење за зачувување на трансатлантското единство во услови на невидени безбедносни предизвици. Столтенберг рече: „Почестен сум од одлуката на сојузниците на НАТО да го продолжат мојот мандат како генерален секретар. Трансатлантската врска меѓу Европа и Северна Америка ја обезбеди нашата слобода и безбедност скоро седумдесет и пет години, а во поопасен свет, нашата голема Алијанса е поважна од кога било“.