Денес околу 16 часот, избувна шумски пожар кај селата Бучинци и Ајватовци во општина Илинден. Изгорени 30 хектари борова шума и пожарот уште не е ставен под контрола.
„Пожарот доби сериозни димензии, се шири со голема брзина. Покрај пожарникарите од скопската Пожарна ангажиран е и еден ер трактор на Дирекцијата за заштита и спасување“.Директорот на Центарот за управување со кризи Стојанче Ангелов информира дека силниот ветер допридонесува за негово ширење, силите на противпожарната бригада на град Скопје ќе се фокусираат во сопирање на оганот во село Ајватовци.
