ДАЛИ ЗНАЕТЕ – СКОПСКИ ЏЕЗ ФЕСТИВАЛ/РАКОВИ ВО ВАРДАР

⦁ Секоја година, при крајот на октомври почнувајќи од 1982 година, во Скопје се одржува Скопски џез-фестивал. Скопскиот џез-фестивал е еден од најстарите и најквалитетните џез-фестивали на Балканот. Досега фестивалот презентирал речиси сè што е значајно на светската џез-сцена (Реј Чарлс, Тито Пуенте, Орнет Колмен, Пет Метини, Вејн Шортер, Стенли Кларк, Би Би Кинг, Чик Кореа, Херби Хенкок, Џо Завинул, Џон Меклафлин, Ал Ди Меола, Вејн Шортер, Џејмс Картер и уште многу други). Фестивалот е дел од European jazz network и од Европскиот форум на светските музички фестивали.
⦁ Во Скопје едно време постоело богатство од води во кои се ловеле ракови. Ги имало во реката Вардар, а се ловеле и во Катлановско Езеро. Секој ден околу шест часот изутрина, аеропланот кој летал од Скопје за Белград носел повеќе пакети ракови за Париз и Берлин – најчесто во прочуените хотели „Адлон“, денешни „Кемпински“. Раковите се фаќале неколку часа пред да полета авионот, за тазе да се најдат на трпезата на европскиот џет сет.