УЛИЧЕН МУЗИЧАР СВИРИ ХИТ НА ПОЗНТИОТ БЕНД БЕЗ ДА ЗНАЕ ДЕКА ГО СЛУША ЧЕД СМИТ

На социјалните мрежи се шири видео објавено од тиктокерот Џои Мекарти, на кое се гледа како уличен музичар на тапани ја свири песната „Otherside” од „Ред хот чили пеперс” во Лос Анџелес. Непознато за него, на видеото присуствува Чед Смит, тапанарот на бендот, кој свири со групата од 1988 година. Видеото собра повеќе од 30 милиони прегледи, а музичарот дознал за кого свири дури по завршувањето на настапот. „Otherside” е трет сингл од албумот „Californication” (1999) и денес има над 800 милиони прегледи на YouTube. „Ред хот чили пеперс” е еден од најпродаваните бендови на сите времиња, со над 120 милиони продадени плочи, три Греми награди и место во Рокенрол Куќата на славните.