СЕНАТОРКА ЈА ПРЕКИНА ЦЕРЕМОНИЈАТА СО КРАЛОТ ЧАРЛС – ДЕБАТА ЗА РЕПУБЛИКА ВО АВСТРАЛИЈА СЕ ЗАОСТРУВА

Кралот Чарлс одржа говор во австралискиот парламент, кој беше накратко прекинат од сенаторката Лидија Торп, која извика „ти не си мој крал” пред да биде отстранета од обезбедувањето. Торп, Абориџинка и независна сенаторка, долго време се залага за договор меѓу австралиската влада и домородните народи. По инцидентот, кралската двојка ги поздрави граѓаните собрани околу парламентот. Австралија долго време дебатира за можноста да стане република, но засега останува дел од британскиот Комонвелт, со кралот како шеф на државата. Премиерот Ентони Албанес, иако републиканец, изјави дека неговата партија нема да поддржи нов референдум за ова прашање во блиска иднина.