МИСАЈЛОВСКИ НА СОСТАНОК НА НАТО ЗА ОДБРАНБЕНА ОТПОРНОСТ – ЗЕЛЕНСКИ: УКРАИНА Е НА ПАТ КОН ЧЛЕНСТВО ВО НАТО

Во Брисел продолжува дводневниот состанок на министрите за одбрана на земјите членки на НАТО, на кој учествува и македонскиот министер Владо Мисајловски. Главни теми на денешната седница на Северноатлантскиот совет се зајакнувањето на одбраната и отпорноста на НАТО, зголемувањето на одбранбените трошоци и ситуацијата на Западниот Балкан. Првиот ден од состанокот беше посветен на борбата против Исламската држава и продлабочувањето на соработката со партнерите од азиско-пацифичкиот регион. Исто така, се одржа и заседание на Советот за соработка НАТО-Украина, на кое украинскиот претседател Зеленски ги истакна аспирациите за членство на Украина во Алијансата.