Лиам Пејн, еден од петте членови на британскиот бенд за момчиња One Direction, трагично почина во Буенос Аирес откако паднал од балкон на третиот кат, објавија аргентинските и светските медиуми.
31-годишната британски пејач кој се стекна со меѓународна слава откако се појави во британскиот „Икс Фактор“, последните неколку недели престојуваше во хотелот „Каса Сур“ во областа Палермо во Буенос Аирес.
Повикувајќи се на официјални лица, водечките локални весници La Nacion и Clarin објавија дека полицијата била повикана во хотелот на итен повик, наведувајќи дека „агресивен маж кој можеби е под дејство на дрога и алкохол“, објави Ројтерс.
Алберто Кресенти, портпарол на градската служба за итни случаи, изјави дека Пејн паднал од околу 40 метри и се здобил со сериозни повреди, од кои починал.
„Алармот се вклучи во 17 часот и 4 минути по локално време, велејќи дека едно лице лежи на внатрешната тераса на хотелот Каса Сур. Во 17 часот и 11 минути пристигнала брза помош и мажот е констатирана смрт“, рече Кресенти. „Подоцна дознавме дека е познат пејач. За жал, повредите кои ги здоби при падот се покажаа како фатални. Немаше начин да се реанимира.