ИЗРАЕЛ ПРОНАЈДЕ МОДЕРНО РУСКО ОРУЖЈЕ ВО БАЗИТЕ НА ХЕЗБОЛАХ

Израелскиот премиер Бенјамин Нетанјаху изјави дека израелските сили пронашле „најсовремено руско оружје” во базите на Хезболах во јужен Либан, каде што групата има ископано стотици тунели и засолништа. Тој потсети на резолуцијата на Советот за безбедност на ОН од 2006 година, која предвидува само либанската армија да поседува оружје јужно од реката Литани. Нетанјаху предупреди дека граѓанска војна во Либан би била трагедија, но нагласи дека Израел нема намера да се меша во внатрешните работи на Либан. Целта на Израел е да обезбеди безбедност за своите граѓани долж границата. Во последните 24 часа, најмалку 27 лица загинаа во израелски напади во јужен Либан.